大蘋果之旅

o係大蘋果生活左10日，最慘係呢度既伙食令人吃不消。
餐餐都係burger、fish & chips、potato、fries、steak、onions....嘔! 好難食。
所以一有機會，老細都會盡量帶我地去食中國菜。
雖然鬼佬唐餐水準真係幾嚇人.. 不過好過冇啦。


美國人，特別係上左年紀既白人，佢地真係有錢到你唔信。
全身名牌不止，食既用既買既都係貴貴貴。
反觀黑人同有色人種，只係出入burger king、taco bell呢d cheap cheap地方...
(o係usa呢d快餐係好核突同好低檔既食店...)
好得意，10個美國白人女人，有5個都用coach手袋。
10個美國白人女人，有8個手上都有至少一隻大過一卡既鑽石戒指。
10個美國白人女人，有9個都係肥婆奶奶。。。


黎到呢度就感覺到美國人真係好幸福。
地方好大，有好多面積都係平地 (唔似中國有好多高山)，陽光好雨水足，農產業好蓬勃。
空氣超好，晴天時天空永遠都係好乾淨既淺藍色，o係香港真係一種奢侈。
雖然商業地點同住房距離遠，but有車的話都唔會好大問題，都算四通八達。
全國好多地方都有免費的wifi上網。
即使o係好郊野既地方，配套都好好、好先進，每個地方都好適合住人。
每令人妒忌既野係，佢地收入高我地一截，但生活用品、奢侈品、必需品、化妝品、衣服鞋襪、餅乾汽水雜糧、商用文具、傢俬.......價錢竟然都比香港平!!!
雖然好多野都係made in china... but... 仲平過o係香港買既？？？？!> <