瘋頭等party

大家呢2日有冇收到屯宮校友會既傳單呀？
(嚴格黎講佢應該係一封"信"，但幾番對摺又用膠紙痴住既樣，令我覺得佢好似D外賣紙咁…)

第一句睇到既係有關入會既登記。
見到就嬲，明明畢業前大家都有登記到入會，但最後咩活動呀、新消息呀、選委會呀… 我地都被蒙在鼓裡，完全收唔到任何消息，亦冇人通知，被當透明。
後來某次偶然知道，原來我地一眾竟係"沒有登記的校友"。
要參加活動？先登記啦。

O個班成日KEEP住出黎校友會玩既，都係當年某堆所謂既"瘋頭等"。
校友會，其實只係某些人既小圈子。
出黎玩既，梗係搵arm傾既人，唔太熟既、唔like既，都係唔好通知咯。
人之常情呀。不過，當中為畢業校友作交流平台、為母校繼續貢獻既精神，就咁俾某d搞小圈子既同學仔窒礙。
十之八九，畢業後的校友鮮有想再回校聚首、更枉論向母校捐獻。
會唔會呢d同樣對校友會冷感既人，都係一想起校友會要參加o個d活動，就係要見返o個堆討厭既瘋頭等，都避之則吉呢？
校友會成日冷場，抵死。