懶人假期

國慶節目多，大家忙緊咩呢？

趁有假期，去左汀九間帝景住返晚。
Room rate幾抵，公眾假期都只係499，平過入長洲租flat。
房間仲對正青馬+汀九橋既海景，夜景一流。

玩就冇咩玩，都係泳池、桑拿同健身室。
不過可以落沙灘散步，行下海邊，過深井睇食晚餐+糖水。
環境寧靜，微風輕送。
夜晚睇下電視食下零食，過一個懶洋洋既假期。

間酒店好新，大堂裝修唔係好豪華不過亮麗。
房間好大，裝修modern光猛，好舒服。
夜晚o係房熄晒燈睇橋景，真係好靚好靚。


幾舊水，當去左旅行，抵。