鬼咁多人,鬼咁多鬼~

事隔n年, 再同我既ocean park班底去哈囉喂,
由於大家慣左玩即興, 所以買唔到至尊門票,
唯有乖乖地同鬼咁多人一齊排隊,
奉勸各位如果唔想排隊就快d去預訂至尊門票啦.

必玩2大鬼屋: 冥通大靈堂, 東瀛凶間,
因為係最勁所以亦係最爆多人,
由於我本身都係細膽, 心血少呀唔嚇得,
所以我完全係匿係d男仔frd後面,
不過都係難逃鬼爪, 真係想喊咁滯...嗚...
自命大膽既人可能覺得唔驚,
咁勇既話可以試下嚇返d鬼架, 哈哈.

仲有其他鬼屋不過冇個個玩哂,
整體都ok, 不過朋友們略嫌街上面遊遊下既鬼少左d,
但係久唔久都會有鬼衝過來嚇你,
真係月光光令人心慌慌,
越近halloween街上面d鬼應該越多,
各位要小心啦, hoho~

remind各位, 如果想先去冥通大靈堂同東瀛凶間e兩間玩,
就要去大樹灣落車, 因為佢地係山腳,
我地上網訂飛就係去大樹灣取票,
因為其實2邊entrance都可以取票架.