同小芝去左華都新開既「膳坊」，大叫回水!!!
滑蛋鰻魚定食，只有一盒白飯+冇蛋+洋蔥絲+4分1隻手板咁大既鰻魚+幾條辣豆芽+一杯仔面屎湯。
南瓜焗海鮮飯，唔見有南瓜，裡面既飯係凍的+硬身。
三扒兩撥勉強食左部分，就已經唔想再食，拿拿臨埋單。
埋單既叔叔係經理，同佢反映d野凍又唔夠料送白飯而且又唔好食，佢苦笑話「你們應該試下咖哩飯呀ma，又或者食海南雞飯」。
大佬，一係你棟個牌o係門口叫人入黎只好點咖哩飯同海南雞，唔好俾定食同焗飯呢個陷阱人踩呀…
小芝笑笑口回句「我地e後都唔會再黎」。
大家都唔好去呢間野啦。
沒有留言:
發佈留言